Bonvenonal la Brita kaj Tutkelta Esperanto-Kongreso 2018

La bela apudmara kimra urbo Aberystwyth gastigos la plej grandan Esperanto-kongreson en Britio, la 99-an Britan kaj 3-an Tutkeltan. Komenciĝos la evento vendredon, la 13-an ĝis mardon la 17-an de aprilo 2018.

image

La kotizo estas £50, sed por transmaraj vizitantoj estas neniom. Kontraŭ tio vi ricevos aliron al la kongreso, bufedo dum la malferma vespero, kaj refreŝaĵoj dumtage. Eblas aĉeti leĝeran tagmanĝon ĉe la kongresejo.

Okazos la kongreso ĉe la Centro Morlan, Queen's Road, Aberystwyth, SY23 2HH.

Mapo de la ĉirkaŭaĵo

Prelegantoj Kelkaj el la homoj, kiuj kontribuos al la programo

image

Paul Birt

image

Bois y Fro

image

Mike Parker

La Organizantoj La skipo malantaŭ la evento

image

Dee McCarney

image

Harry Barron

image

Bill Chapman

image

Pat Chapman

Komuna Manĝo

Laŭ tradicio de la lastaj jaroj, ĉeestantoj havos la eblon manĝi kune en loka restoracio. Ĉi tiun fojon tio okazos vespere la lundon, ĉar dimanĉon ni prezentos plenan programon en la kongresejo. Ni vizitos lokan restoracion Medina kaj tablojn antaŭmendis por la 19:30.

Ĉar la komuna manĝo ne estas parto de la programo, necesas krome pagi por ĝi. La kosto estas £22.50, kaj intencon partopreni oni indiku ĉe la paĝo dum la aliĝado. Bonvolu rimarki, ke nepras antaŭkonfirmi; la restoracio postulas averton dusemajnan kaj ne akceptos homojn, kiuj aperos senaverte la tagon mem.

Restoracia retejo | Mapo | Menuo

Vojaĝo al Devil's Bridge Falls

Mardon la 17-a de aprilo okazos ekskurso al Devil's Bridge Falls (akvofalaro ĉe la diabla ponto), turistallogaĵon 16 kilometrojn for de la kongresurbo. La fervojo Vale of Rheidol iras de Aberystwyth al Devil’s Bridge, kiu troviĝas nur 4 minutojn for de la Akvofalaro.

image

Unue la fervojo Vale of Rheidol

... poste la akvofalaro.

Certe estos memorinda tago!

Aliĝi Supren

Sub 25?Do eblas, ke vi partoprenu senpage!

Se vi malsuperas 25 jaraĝa kaj estas aŭ brita aŭ loĝas en Britio, vi rajtas peti subvencion de la Norviĉa Jubilea Esperanto-Fonduso. Subvencioj kovras ne nur la kotizon, sed ankaŭ vojaĝadon kaj loĝadon por ĉeesti la kongreson. Kontaktu nin antaŭ ol mendi lokon se vi interesiĝas.