Geniaj esperantistidoj

Ĉu gefiloj de esperantistoj estas geniuloj pli ofte ol averaĝe? Ni montros kelkajn ekzemplojn de famaj geniuloj, kiuj estis idoj de esperantistoj, kaj ni parolos pli detale pri unu el la plej geniaj sciencistoj de la 20-a jarcento, kiu krome estis brito.

La uzo de Esperanto dum la hispana enlanda milito

Esperanto estas konsiderata la lingvo de paco, sed samtempe nia lingvo povas esti uzata por iu ajn celo, kaj foje eĉ por tiuj rilataj al milito. Ni rakontos la uzojn de Esperanto dum milito siatempe tre fama, kiu fariĝis internacia afero, ĉar ĝi estis la plej ideologia konflikto de la pasinta jarcento.

Ĉu vi volas esti milonulo?

Ni ludos version de la fama televida kvizo Ĉu vi volas esti milionulo?, sed adaptitan al Esperanto, kaj vi eĉ havos ŝancon gajni milonojn da pundoj!

Pri la studado de socilingvistika variado en Esperanto

Dum ĉi tiu kongreso, vi aŭskultos multajn homojn el la tuta mondo, kiuj parolas Esperanton malsame. Ni ĉiuj parolas malsame pro diversaj sociaj kaj geografiaj kialoj. En ĉi tiu prelego, James Hawkey parolos pri la ligiloj inter la lingvoj kaj la socioj, kaj ni ĉiuj malkovros tion, kion ni povas lerni pri ni mem, danke al la lingvo.

Renato tra la okuloj de denaskulo

Legeblas post lia forpaso pluraj mencioj pri la diversaj roloj kaj postenoj, kiujn havis en Esperantujo la karmemora Renato Corsetti. Sed kiel perceptas lin kaj lian perdon denaska esperantisto? Eble ne sammaniere, kiel aliaj.

Renato estis unu el la gepatroj dum la someraj kunvenoj de esperantistaj familioj en la infanaĝo de Stela. Li esploris denaskulecon de la gepatra kaj lingvistika vidpunktoj, Stela de la infana kaj socia kompreno. En tiu ĉi prelego-babilado Stela reagos al du prelegoj kiujn Renato faris pri sia esploro, kaj ŝi aldonos siajn proprajn trovitaĵojn de intervjuoj kun denaskuloj kaj gepatroj. Espereble la publiko emos demandi, reflekti kun ŝi pri la temo de Esperanto en la familio.

Legosalonoj de EAB – spertu la plej novajn librojn kune

«Kiun libron indas legi en Esperanto?» Tiu estas demando kiun oni ofte starigas inter si. Dum la kongreso venas la elstara ŝanco povi foliumi la freŝe eldonitajn librojn de EAB, sed ne nur. La unua verviva legosalono de Bobelarto okazos dum la Brita Kongreso. Kion tio signifas en la praktiko? Ni prenos libron, sidos en cirklo, dum la laŭtlegado atenteme aŭskultas unu la alian, kaj ensorbas vivan literaturon kune.

Rebecca retrovita

Post du jaroj da prilaborado, Malcolm Jones prezentos la fonon, la defion kaj kelkajn rezultojn de sia tradukado de ĉi tiu vere leginda romano.

menu-d

Starters

Main Courses

Desserts